DIQQAT: BANK KARTANGIZNI FIRIBGARLARDAN ASRANG!
Hurmatli mijoz, kartangizni qabul qilib olayotganda quyidagi muhim xavfsizlik qoidalari bilan tanishib chiqing. Bu ma’lumotlar sizni moliyaviy yo‘qotishlardan va qonuniy muammolardan himoya qiladi.
1. "DROP" BO‘LMANG — JINOYATGA ShЕRIK BO‘LIB QOLMANG!
Firibgarlar sizga pul taklif qilib, kartangizni ijaraga berishni yoki u orqali begona pullarni o‘tkazib berishni so‘rashi mumkin.
Xavf: Siz orqali o‘tayotgan pullar o‘g‘irlangan yoki jinoiy yo‘l bilan topilgan bo‘lishi mumkin.
Natija: Siz bilmagan holda jinoiy guruhga a’zo bo‘lib qolasiz. Bu nafaqat kartaning bloklanishiga, balki jinoiy javobgarlikka (ozodlikdan mahrum etilishgacha) olib keladi.
2. MA’LUMOTLARINGIZNI HЕCh KIMGA BЕRMANG
Karta ma’lumotlari — bu sizning pullaringiz kalitidir. Quyidagilarni hech kimga aytmang:
Kartaning 16 xonali raqami va amal qilish muddati;
Karta orqasidagi 3 xonali kod (CVV/CVC);
TЕLЕFONGA KЕLGAN SMS-KODLARNI! (Bu eng muhimi).
Eslatma: Bank xodimlari hech qachon SMS-kod yoki PIN-kodni so‘ramaydilar!
3. SHAXSIY JAVOBGARLIK
Karta sizning nomingizga rasmiylashtirilgan. Shu sababli:
Karta orqali amalga oshirilgan har qanday shubhali amaliyot uchun qonun oldida Siz shaxsan javob berasiz.
Agar kartangiz firibgarlikda ishtirok etsa, Siz O‘zbekistonning barcha banklarida "qora ro‘yxat"ga tushasiz va kelgusida karta ochish yoki kredit olish imkonidan butunlay mahrum bo‘lishingiz mumkin.
SHUBHALI HOLAT YUZ BЕRSA NIMA QILISH KЕRAK?
Agar kartangizni yo‘qotib qo‘ysangiz yoki ma’lumotlaringiz begonalar qo‘liga tushganini sezsangiz:
1. Zudlik bilan bank ilovasi orqali kartani bloklang.
2. Bankning "Aloqa markazi"ga qo‘ng‘iroq qiling.
