Bugun G.V. Plexanov nomidagi Rossiya iqtisodiyot universitetining Toshkent filiali majlislar zalida o‘zaro hamkorlik doirasida “ANOR BANK” AJ vakillari tomonidan universitet talabalari uchun mehmon ma’ruzasi o‘tkazildi.
Ma’ruza davomida bank Boshqaruv raisining birinchi o‘rinbosari Elyor Nadjimitdinov raqamli bankning tashkil topish va shakllanish tarixi, bugungi holati va erishilgan yutuqlari haqida so‘zlab berdi. Shuningdek, bank departamentlari rahbarlari hamkorlar bilan munosabatlar, bank faoliyatini raqamlashtirishda IT texnologiyalarini joriy etish, bank xizmatlari va mahsulotlarini ommalashtirish hamda bankda ishlash istiqbollari haqida gapirdilar.
Tadbir davomida talabalar ham o‘zlarini qiziqtirgan mavzular bo‘yicha savollar berib, bank vakillaridan to'liq javob oldilar.